Գազարի 22 Հիանալի Հատկություն Մաշկի, Մազերի և Առողջության Համար

Քաղցր և խրթխրթան գազարը կազմում է սննդակարգի կարևոր բաղկացուցիչ մասը: Գազարը արմատային բանջարեղեն է, պատկանում է Apeaceae կամ Umbelliferrous ընտանիքին, որոնք ներառում են մաղադանոսը, վայրի գազարը, սամիթն ու չամանը:  Գազարի բույսն ունի կանաչ տերևներ և երկար նարնջագույն արմատ: Այս բանջարեղենն առաջացել է շուրջ 5000 տարի առաջ:  Ձեզ կզարմացնի այն փաստը, որ գազարը ժամանակին եղել է կարմիր, սև, դեղին, սպիտակ և մանուշակագույն գույների, սակայն ոչ նարնջագույն: Այն առաջին անգամ մշակվել է Աֆղանստանում, ունեցել մանուշակագույն արտաքին և դեղին միջնամիս: Վառ նարնջագույն գազարն աճեցվել է Դանիայում միջին դարերում և հենց այդ գազարն է հիմա այդքան սովորական:

Բացի հյութեղ համից, այն պարունակում է բետա կարոտին և այլ օգտակար բաղադրիչներ` ինչպես օրինակ A վիտամին, հանքանյութեր և հակաօքսիդանտներ: Գազար առաջարկում է մի շարք առողջարար հատկություններ, հատկապես աչքերի, մաշկի, մարսողական համակարգի և ատամների համար:  Գազարը հաճախ ընդգրկում են հյութային թերապիայի մեջ որոշակի հիվանդությունների բուժման համար: Գազարը ի սկբանե աճեցվել է բուժական նպատակով: Այս բանջարեղենը կարելի է ուտել հում կամ պատրաստված:Այն ծառայում է որպես ճարպի փոխարինիչ և խտացնող միջոց` ապուրներում: Գազարի ապուրի տաք բաժակը սնուցում է ձմռանը:

Արդյոք գազարը օգտակար է առողջության համար

Այս խրթխրթան բանջարեղենը շատ կալորիա և ընդհանրապես ճարպ չի պարունակում: Սակայն, այն կարող է լրացնել A վիտամինի և հակաօքսիդանտների անհրաժեշտ չափաբաժինը: Կարդացեք ստորև և ծանոթացեք գազարի 22 օգտակար հատկություններին:








1. Աչքերի Խնամք

Գազարը շատ օգտակար է աչքերի համար, շնորհիվ մեծ քանակության բետա կարոտինի, որը լյարդում վերածվում է  A վիտամինի:  Այս վիտամինը ցանցաթաղանթում վերածվում է ռոդոսպին կարմիր պիգմենտի, որն անհրաժեշտ է գիշերը տեսնելու համար: Բետա կարոտինը բարելավում է գիշերային տեսողությունն ու պաշտպանում է աչքերի խնդիրներից` գլաուկոմա, մակուլար խնդիրներ և կատարակտ:

2. Սրտանոթային համակարգ

Գազարը պարունակում է տարբեր հակաօքսիդանտներ և պոլիացետիլին, որոնք պաշտպանում են սիրտը: Հետազոտությունները ցույց են տվել, որ կարոտինոիդների օգտագործումը նվազեցնում է սրտի հիվանդությունների հնարավորությունը: Բացի բետա կարոտինի հարուստ պաշարից, գազարը նաև պարունակում է ալֆա կարոտին և լուտեին: Գազարի կանոնավոր օգտագործումը պաշտպանում է սիրտը օքսիդատիվ վնասից, խոլեստերինի մակարդակի բարձրացումից, քանի որ այն պարունակում է լուծվող մանրաթելեր, որոնք արգելում են դառը թթուները:  

 3. Քաղցկեղի Կանխարգելում

Հետազոտությունների արդյունքում պարզվել է, որ գազարի օգտագործումը կրճատում է թոքի, կրծքի և հաստ աղիքի քաղցկեղի հավանականությունը:  Սա այն պատճառով, որ գազարը հարուստ է պոլիացետիկ հակաօքսիդանտ ֆալկարինոլով, որը պայքարում է քաղցկեղածին բջիջների դեմ: Նույն ձևով, գազարն ունի նաև քաղցկեղածին բջիջների աճը կանխարգելող հատկություն և նպաստում է մարսողական համակարգի առողջացմանը:   

4. Իմունային Համակարգ

Գազարը պարունակում է մի շարք սնուցող նյութեր և հակաօքսիդանտներ, C վիտամին, որոնք խթանում են իմունային համակարգը: Գազարի կանոնավոր օգտագործումն ապահովում է ընդհանուր մարմնի պաշտպանություն: 

5. Ատամների Առողջություն

Գազարն օգտակար է ատամների և բերանի խոռոչի համար, այն հեռացնում է ատամի մածուկից կամ սննդից մնացած հետքերը: Գազարը խթանում է թքի արտադրությունը, որն ինքնին ալկալային հիմք ունի և կարգավորում է թթուների առաջացնումն ու կանխարգելում խոռոչներ առաջացնող բակտերիաների տարածումը:  Գազարում պարունակվող հանքանյութերը կանխում են ատամների քայքայումը: 
6. Օրգանիզմի Մաքրում

Ինչպես նշեցինք, գազարը պարունակում է առատ վիտամին A, որն օգնում է լյարդին հեռացնել օրգանիզմից տոքսինները: Այն կրճատում է լյարդում ճարպի կուտակումները: Լուծելի մանրաթելերը մաքրում են հաստ աղիքը:

7. Հակատարիքային Հատկություն

Բետա կարոտինի պարունակությունը գործում է որպես հակաօքսիդանտ և կանխում է բջիջների վնասը` կարգավորելով մետաբոլիզմը: Այսպիսով այն ունենում է հակատարիքային էֆեկտ:

8. Դաշտանի Ընթացքում և Հետո

Գազարի հյութը շատ օգտակար է կանանց համար: Ֆիտոէստրոգենը մեղմացնում է ցավերը և կարգավորում է արյան հոսքը: Այն նաև օգտակար է կանանց հետդաշտանային տարիքում: 

9. Հղիություն

Գազարը հատկապես օգտակար է հղիության ընթացքում, քանի որ այն օգնում է պտղի զարգացմանը  և կրճատում ինֆեկցիաների և թերզարգացման հավանականությունը: Գազարի կանոնավոր օգտագործումը նպաստում է կաթնարտադրությանը և բարելավում կաթի որակը:

10. Կաթված

Հարվարդի Համալսարանի կատարած հետազոտության արդյունքում պարզվել է, որ շաբաթական վեց գազար օգտագործող մարդկանց մոտ կաթված ստանալու հավանականությունը ավելի փոքր է, քանի ամսական մեկ գազար օգտագործողներինը:

11. Կալցիումի Աղբյուր

Մեզանից քչերը գիտեն, որ գազարը պարունակում է կալցիում, ինչը կենսական նշանակություն ունի երեխաների և կանանց ոսկորների աճի և զարգացման գործում:

12. Մարսողական Համակարգ

Գազարը մանրաթելի լավ աղբյուր է, որը կարգավորում է մարսողությունը: Այն օգտակար է փորկապության և թթվայնության համար: Մանրաթելերն նպաստում են նաև քաշի նվազեցմանը` խուսափելով արյան մեջ շաքարի տատանումներից:

13. Այլ Օգտակար Հատկություններ

Գազարը պարունակում է կարոտենոիդներ, որոնք կարգավորում են արյան մեջ շաքարի բաղադրությունը: Դրանք նաև պարունակում են տարրեր, որոնք մաքրում և վերականգնում են արյունը, ինչպես նաև հավասարակշռում ալկալին թթվի հարաբերակցությունը մարմնում: Կալիումի   բարձր բաղադրությունը օգնում է կարգավորել սոդայի մակարդակը` հիպերլարվածության հետ կապված և արյան ճնշումը:

Մաշկ

Գազարը շատ օգտակար է մաշկի համար` շնորհիվ A վիտամինի բարձր բաղադրության և պաշտպանում է տարբեր խնդիրներից:

14. Փայլուն Մաշկ

Գազարի օգտագործումը մաշկն առողջ և վառ է պահում, քանի որ այն պարունակում է առատ C վիտամին և հակաօքսիդանտներ: Գազարից կարելի է պատրաստել մատչելի և արդյունավետ դիմակներ դեմքի համար: Միայն պետք է խառնեք քերած գազարն ու մեղրը և տարածել դեմքին` փայլուն մաշկ ստանալու համար:

15. Բշտիկների և Սպիերի Բուժում

Գազարի հյութի օգտագործումն արդյունավետ միջոց է բշտիկների և սպիերի դեմ: Գազարի միջուկը կարող եք տարածել մաշկին` բշտիկներից ազատվելու նպատակով:

16. Հակատարիքային Հատկություններ

Գազարը պարունակում է C վիտամին, որն օգնում է մարմնում կոլագենի արտադրությանը: Կոլագենը պրոտեինի մի տեսակն է, որը պահպանում է մաշկի առաձգականությունը:  Այն կանխում է կնճիռներն ու տարիքային այլ նշանները: A վիտամին հակաօքսիդանտը պայքարում է ազատ ռադիկալների դեմ և կանխում տարիքային նշանները` կնճիռները, պիգմենտացիան և անցանակալի երանգը:

17. Արևային Պաշտպանություն

Բետա կարոտինը սնուցող նյութ է, որը մարմնում վերածվում է A վիտամին: Այն վերականգնում է մաշկի հյուսվածքներն ու ապահովում պաշտպանություն արևի կոշտ վնասակար ճառագայթներից: Հակաօքսիդանտներն ու կարոտինոիդները պաշտպանում և սնուցում են մաշկը` խթանելով իմունիտետը արևից և բուժում են արևայրուքից:  Գազարի հյութը ամռանը ծառայում է որպես բնական արևապաշտպան:  

18. Չոր Մաշկ

Կալիումի պակասը կարող է հանգեցնել մաշկի չորության: Գազարը հարուստ է կալիումով, այդ իսկ պատճառով գազարի հյութի օգտագործումը կանխում է այս խնդիրը և մաշկը խոնավ պահում:

19. Առողջ Մաշկ

Գազարն արդյունավետ միջոց է մաշկի տարբեր խնդիրները լուծելու համար: Այս բանջարեղենում պարունակվող հակաօքսիդանտները բուժում են մաշկի այնպիսի խնդիրներ, ինչպիսիք են ակնե, այրուք, դերմատիտիս և A վիտամինի պակասով պայմանավորված այլ խնդիրներ:  Գազարի օգտագործումը չի կարելի չարաշահել, քանի որ այն ժամանակավորապես կարող է մաշկը նարնջագույն դարձնել: 

20. Բուժիչ Հատկություններ

Գազարն ունի հզոր բուժիչ հատկություններ: Քերած գազարը կարելի է կիրառել վերքերին, կտրվածքներին և բորբոքումներին` արագ բուժելու նպատակով: Դրա հակաբորբոքային հատկությունները վերականգնում են մաշկի երանգը:

Մազեր

Տարիներ շարունակ հայտնի է, որ գազարը խթանում է մազերի աճն ու հաստացումը:

21. Մազաթափություն

Գազարը պայքարում է մազաթափության դեմ, քանի որ այն հարուստ է կենսական վիտամիններով, որոնք հաստացնում, ամրապնդում և փայլ են հաղորդում մազերին: Գազարի հյութը առողջացնում է մազերը:

22. Մազերի Աճ

Ամեն օր 3-4 ունցի գազարի հյութի օգտագործումը խթանում է մազերի աճն ու հաստացումը: C և E վիտամինները բարելավում է գլխամաշկի շրջանառությունը, խթանում մազերի աճը և կանխում մազերի սպիտակումը: