Գեղեցկության Կոդ: Ինչպես Ձգել Մաշկը

Կյանքի տարբեր փուլերում` քաշի կորուստ, հղիություն, կամ պարզապես տարիքի հետ մաշկը թուլանում և կորցնում է իր առաձգականությունը: Անկախ թուլացած հատվածից` ստամոքս կամ ազդրեր, դուք կարող եք կանխել այս իրավիճակը: Ծանոթացեք այն միջոցներին, սննդակարգի և կենսակերպի փոփոխություններին, որոնք ձեր մաշկը կդարձնեն ավելի ձիգ և առաձգական:

Մեթոդ 1. Միջոցներ Մաշկի Համար

Շերտազատեք մաշկը. Դուք միգուցե չեք գիտակցում, բայց շերտազատումը ավելին է, քան միայն մաշկի թարմեցումը կամ մաշկի մահացած բջիջների հեռացումը: Այն խթանում է շրջանառությունը, և արդյունքում մաշկը ստանում է այն կենսական սնուցումն ու թթվածինը, որի կարիքն ունի.

· Մաշկի սանրումը կատարյալ շերտազատման միջոց է և բավական մատչելի: Գնեք մարմնի սանր բնական մանրաթելերով: Օգտվեք հետևյալ տեխնիկայից` լավագույն արդյունքի հասնելու համար.

· Առավոտյան սանրեք մաշկը նախքան ցնցուղ ընդունելը: Մաշկը և սանրը պետք է չոր լինեն:

· Երկար հարվածներով սանրեք ոտքերն ու թևերը: Սկսեք ազդրերից, շարունակեք ձեռքերից դեպի ուսերը արյունատար անոթների ուղղությամբ:

· Կենտրոնացեք այն հատվածների վրա, որտեղ մաշկը նուրբ է: Մի մոռացեք ստամոքսի և որովայնի մասին:

· Շերտազատող գելերն ու սկրաբերը նույնպես արդյունավետ են: Գնեք դրանք խանութում կամ պատրաստեք ինքնուրույն` շագանակագույն շաքարավազով, մեղրով և այլ բնական բաղադրիչներով:

· Հանքանյութերով և աղե սկրաբերը ձգում են մաշկը: Սկրաբը կիրառեք մարմնին ցնցուղի ընթացքում, այնուհետև հեռացրեք աղը:

Օգտագործեք յուղ` մաշկը խոնավ պահելու համար: Ցնցուղից հետո, կիրառեք յուղ և խոնավեցրեք մաշկը. այն կբարելավի մաշկի առաձգականությունը:

· Մանկական յուղը մատչելի է և կա ամենուրեք: Գերչակի և նուշի յուղերը շատ օգտակար են մաշկի համար:

· Այդ յուղերից մի քանի կաթիլ ավելացրեք լոգանքի ջրին: Ձեր մաշկը կհանգստանա այդ յուղերի ազդեցությունից:

Փորձեք մաշկը ձգող քսուք կամ լոսյոն. Փնտրեք ապրանքատեսակներ, որոնք պարունակում են A և E վիտամիններ, կոլագեն, որոնք ձգում են մաշկը:

· Կիրառեք լոսյոնը կամ քսուքը օրական առնվազն մեկ անգամ` կենտրոնանալով ձգելու կարիք զգացող հատվածների վրա:

· Ալոեն հանդիսանում է մաշկը ձգող հիանալի բնական միջոց. Փնտրեք լոսյոններ, որոնք պարունակում են ալոե, կամ պարզապես ալոեի հյութը տարածեք մաշկին:

Օգտագործեք դիմակ. Դեմքի համար նախատեսված դիմակները կարելի է կիրառել նաև ազդրերին, ստամոքսին և թևերին: Գնեք դիմակ խանութում և կիրառեք շաբաթական երկու անգամ այն հատվածներին, որոնք ցանկանում եք ձգել:

Մեթոդ 2. Սննդակարգ և Մարզանք

Ըմպեք բավարար քանակության ջուր. Խոնավ մաշկը առողջ մաշկ է, այդ պատճառով ընդունեք բավարար քանակության ջուր օրական: Խմեք վեցից ութ բաժակ ջուր ամեն օր` լավագույն արդյունք ապահովելու համար:

· Կոկոսի հյութ կամ խոտաբույսային թեյը նույնպես կարող են խոնավ պահել և սնուցել ձեր մաշկը:

· Խուսափեք ալկոհոլի և սուրճի օգտագործումից, դրանք ջրազրկում են ձեր մաշկը ժամանակի ընթացքում:

Օգտագործեք հում սնունդ. Մրգերն ու բանջարեղենը ամենամաքուր օգտակար միջոցներն են ձեր մաշկի համար: Դրանք պարունակում են վիտամիններ և հանքանյութեր, որոնք խթանում են առողջ մաշկն ու գեղեցիկ տեսք հաղորդում:

Պատրաստեք մրգային և բանջարեղենային պյուրեներ` ամեն օր նախաճաշին ուտելու համար:

Հյութեր պատրաստեք: Շատ օգտագործեք կանաչ բանջարեղեղն` կաղամբ, սպանախ:

Մարզվեք. Կարդիո մարզումները լավ են քաշի կորստի համար, ինչպես նաև ձգում են մաշկն ու մկաններին տոնուս հաղորդում: Անպայման կատարեք թեևերը, ազդրերը ձգող վարժություններ:

Յոգա. Քաշի կորստից հետո, յոգան օգնում է պահպանել մաշկի տոնուսն ու շրջանառությունը: Այցելեք յոգայի մի քանի դասի շաբաթական, կամ տանը զբաղվեք յոգայով:

Զբաղվեք ռիթմիկ մարմնամարզությամբ. Մարզասրահում կատարվող բոլոր վարժությունները օգտակար են ձեր մաշկի տոնուսի համար:

Մարզեք ձեր թևերն ու մարմնի վերին հատվածը ձգումներով և հենումներով:

Որովայնի մկանները մարզեք կքանիստերով:

Մարզեք ձեր ոտքերը` ետ ու առաջ տանելով:

Մեթոդ 3. Կենսակերպի Փոփոխությունը Բարելավում է Մաշկի Տոնուսը

Այցելեք մերսումների. Մերսումը կատարյալ միջոց է արյան շրջանառությունը բարելավում և մաշկը ձգելու համար: Խնդրեք մերսողին ավելի մեծ ուշադրություն դարձնել հատկապես այն հատվածներին, որտեղ մաշկը թուլացած է:

Խուսափեք կոշտ օճառներից. Մաշկի խնամքի միջոցները պարունակում են սոդիում լաուրել սուլֆատ կամ հարակից քիմիական նյութեր, որոնք իրականում չորացնում են մաշկը: Եթե ցանկանում եք ձգել մաշկը, ապա խուսափեք մաքրող միջոցներից և ընտրեք թեթև, բնական ապրանքատեսակներ` լվացվելու համար:

· Մաքրող միջոցները պատրաստված են յուղերով, որոնք լավագույնս ձգում են մաշկը:

· Լոգանքի ընթացքում մաշկը նուրբ մերսելը նույնպես նպաստում է շերտազատմանը:

Պաշտպանեք ձեր մաշկը արևից. Արևի հասցրած վնասն ավելին է, քան ծերացումը, այն վնասում է ներսից` ստիպելով կորցնել մաշկի առաձգականությունը: Օգտագործեք արևապաշտպան միջոցներ:

Խորհուրդ ենք տալիս մաշկի խնամքի որոշ ապրանքատեսակներ: