Գեղեցկության Կոդ: Մանկական Մաշկի Խնամքի Հիմնական Խորհուրդներ

Փոքրիկ երեխաներն ունեն զգայուն, շուտ չորացող մաշկ: Որոշ ծնողներ սիրում են լողացնել իրենց մանկիկներին ամեն օր, չնայած որ, շատ երեխաներին՝ առավելապես նորածիններին, բավական է լողացնել մի քանի օրը մեկ անգամ: Լոգանքների միջև ժամանակահատվածում, ծնողները պետք է պահպանեն երեխայի դեմքն ու հետույքը շատ մաքուր վիճակում: Նորածինները կարող ենք լոգանք ընդունել միայն պորտալարի ամբողջական հեռացումից հետո, ինչը կարող է տևել մոտ մեկ ամիս ծնվելուց հետո:

• Երեխաների համար պղպջակներով լոգանքի շատ ապրանքատեսակներ հիմնված են մաքրող նյութերի վրա, որոնք ոչնչացնում են օգտակար բակտերիաները, ինչը վնասում է մանկական մաշկի թթվային շերտը: Բացի այդ, պղպջակներով լոգանքը կարող է առաջացնել նորածինների մոտ վագինիտ կամ միզուղիների բորբոքում: Դա այնքան տարածված խնդիր է դարձել, որ Առողջապահության Նախարարությունը հրաման է տվել երեխաների համար նախատեսված պղպջակներով լոգանքի միջոցների պիտակներին պարտադիր նշել զգուշացում ծնողների համար՝ երեխաներին շատ լողացնելու դեմ: Եթե դուք ցանկանում եք դարձնել ձեր երեխաների լոգանքը բուրալի՝ պարզապես ջրին ավելացրեք մի փոքր նարդոսի յուղ:

• Բարուրային դերմատիտ – Երեխայի կյանքի առաջին մի քանի ամիսների ընթացքում կարող է առաջանալ բարուրային դերմատիտ՝ թեփոտ գլխամաշկ: Այն հնարավոր չէ կանխել, սակայն ջրով և օճառով ամեն օրվա լոգանքը, շատ դեպքերում, կօգնի մաքրել այն: Դուք նույնպես կարող եք օգտագործել հատուկ մանկական փափուկ խոզանակ կամ ատամի խոզանակ: Շամպունով լվանալուց առաջ, կարող է օգնել նաև որոշակի քանակով հանքային յուղ գլխամաշկին մերսելը:

• Եթե ձեր երեխան ուշացումով է ծնվել, նրա մաշկը կարող է չոր կամ ճաքած լինել: Դա բնական է, քանի որ նրա պաշտպանիչ նորածնային քսուքն արդեն իսկ ներծծված է լինում: Մի շտապեք քսուքներ կամ լոսյոններ օգտագործել՝ դա կարող է ավելի շատ վնասել, քան օգտակար լինել: Նորածնի մաշկի վերին շերտը կշերտազատվի հաջորդ մի քանի օրվա ընթացքում՝ տեղ տալով նոր հիանալի մաշկին: Շարունակեք լվանալ նորածնին հասարակ ջրով առաջին ամսվա ընթացքում:

• Երեխայի մաշկի խնամքի համար օգտագործեք բնական միջոցներ, այդպիսով դուք կարող եք ձեր մանկիկի մաշկը պահպանել առողջ: Խուսափելով վնասակար քիմիական բաղադրիչներից՝ դուք կպահպանեք երեխայի մաշկը գրգռվելուց և կարմրելուց: Պետք չի հեշտությամբ հավատալ հեռուստատեսությամբ կամ լրատվամիջոցներով հեռարձակվող մանկական մաշկի խնամքի միջոցների գովազդենրին, որոնք հեշտությամբ պետք է փափկեցնեն ձեր մանկիկի մաշկը: Ամենասկզբում ուսումնասիրեք օգտագործվող միջոցի պիտակը, որտեղ նշվում են պարունակվող բաղադրիչները՝ քիմիական ակտիվ հավելումների առկայության համար: Դուք պետք է միշտ շատ զգուշությամբ ընտրեք խնամքի միջոցներ ձեր նորածնի նուրբ մաշկի խնամքի համար:

• Պետք է պարբերաբար հանել մանկիկի բարուրը՝ թողնելով նրան որոշ ժամանակ այդպես լավ օդափոխված սենյակում: Մաքուր օդ, և ոչ թե արևի ուղիղ ճառագայթները, մեծ դեր են խաղում երեխայի մաշկը խանձարուրից կարմերուց պահպանելու և վերականգնելու համար:

• Շատ հաճախ, մեքենայով երթևեկելիս ծնողներն անտեսում են իրենց երեխաների պաշտպանությունը արևի ուղիղ ճառագայթներից: Չնայած ապակիները ունենում են ՈՒՄ պաշտպանիչ շերտ, սակայն երկար ճանապարհորդությունների ընթացքում դա բավարար չէ: Ուշադիր եղեք և պատշաճ կերպով պաշտպանեք ձեր երեխային:

Ցանկանում ենք առաջարկել որոշ ապրանքատեսակներ մանուկների նուրբ մաշկի անվտանգ խնամքի համար.